Традыцыйна ў кастрычніку ў нашым дзіцячым садзе праходзяць восеньскія музычныя  забавы, у якіх прымаюць удзел дзеці ўсіх узроставых груп. На двары пахмурна і холадна, не хапае сонечнага цяпла, а ў нашай музычнай зале пануе цёплая і добразычлівая атмасфера. У госці  завіталі прыгажуня Восень, Вавёрачка, Зайчык, Мухаморы і Кропелькі.  На святах выхаванцы разам з гасцямі спявалі песні, выконвалі танцы, ігралі на музычных інструментах, гулялі ў вясёлыя гульні, адгадвалі восеньскія загадкі, расказвалі вершы. 

Мерапрыемствы атрымаліся яркімі, вясёлымі і займальнымі, дапамаглі хлопчыкам  і дзяўчынкам замацаваць уяўленні аб восені, як пары года.